უკრაინის ქალაქ ჩერნიგოვში ასაფეთქებელი მოწყობილობა იპოვეს. ბომბი ხალხმრავალ ადგილზე ნაგვის ურნაში იყო დამონტაჟებული.

სამართალდამცავები მომხდარზე ჯერ კომენტარს ვერ აკეთებენ. წინასწარი ინფორმაციით, ასაფეთქებელი მოწყობილობა თერმოსში იდო. ბომბის გაუვნებელყოფა სპეციალურმა ბრიგადებმა ადგილზევე მოახერხეს.

შეგახსენებთ, რომ რამდენიმე დღის წინ დნეპროსპეტროვსკში მომხდარი რამდენიმე აფეთქების შედეგად 30 ადამიანი დაშავდა, მათ შორის 11 ბავშვი. 27 აპრილს მომხდარი ტერაქტების სერიის დროს დაშავებული 14 მოქალაქე ამ დროისთვისაც საავადმყოფში რჩება.

უკრაინელმა სამართალდამცავებმა 27 აპრილს მომხდარ აფეთქებას უკვე მიანიჭეს ტერაქტების სერიის კვალიფიკაცია. პოლიციელები ეჭვობენ, რომ დღეს ჩერნიგოვში მომხდარი ინცინდენტი, სწორედ 27 აპრილს მომხდარი ფაქტების გაგრძელებაა.

Internet.ge