ინდონეზიის მთებში Superjet 100-ის კატასტროფის ადგილზე გარდაცვლილთა სხეულები აღმოაჩინეს. მაშველთა ჯგუფმა თვითმფრინავის დაცემის ადგილს მიაღწია. ამის შესახებ საკუთარ Twitter-ზე წერს ბლოგერი სერგეი დოლია, რომელიც მონაწილეობას იღებდა ლაინერის საჩვენებელ პროგრამაში - „მივესალმებით აზიას“.

დესანტის ექვსი წარმომადგენელი დაეშვა ლაინერის დაცემის ადგილზე. იქვე იმყოფებიან სახმელეთო ჯგუფის წევრებიც. ისინი სხეულის დარჩენილ ნაწილებს აგროვებენ...“ - ციტირებს ბლოგერის სიტყვებს რუსული საინფორმაციო სააგენტო „Вести“.

ამ ინფორმაციას ადასტურებს „ИТАР-ТАСС“-ის წყაროც ჯაკარტის ანტიკრიზისული შტაბიდან. „სამძებრო ჯგუფი უკვე შეუსვენებლივ მუშაობს შემთხვევის ადგილზე, - განაცხადა მან, - არსებობს ცნობები გარდაცვლილთა სხეულის აღმოჩენის შესახებ“.

სხვადასხვა მონაცემებით, რუსული ლაინერის ბორტზე 45-დან 50-მდე ადამიანი იმყოფებოდა. Superjet 100-ი 9 მაისს ინდონეზიაში განხორციელებული საჩვენებელი ფრენისას რადარებიდან გაუჩინარდა. თვითფრინავის ნაწილების პოვნა ინდონეზიის მთებში მხოლოდ ამ დილით მოხერხდა.

Internet.ge