მოსკოვის სასამართლომ დაადგინა, რომ ექსტრემიზმზე უნდა შემოწმდეს ლონდონში მცხოვრები ბიძნესმენის, ბორის ბერეზოვსკის წერილი, რომელიც 2012 წლის თებერვალში რადიოსადგურ „ეხო მოსკვის“ საიტზე გამოქვეყნდა. ამის შესახებ „ინტერფაქსი“ იუწყება.

მოსამართლე იგორ კონანოვიჩმა ამ გადაწყვეტილებით პროკურატურის შუამდგომლობა დააკმაყოფილა.

თავის წერილში ბერეზოვსკი წერდა, რომ რუსეთში მმართველი რეჟიმის ცვლა მხოლოდდამხოლოდ ძალისმიერი გზით მოხდება. 

ამ განცხადებას, მმართველმა პარტიამ „ედინაია როსია“ მაშინვე ექსტრემისტული უწოდა, სადაც აცხადებდნენ, რომ ბერეზოვსკისთან ერთად, ასეთი განცხადების ტირაჟირებისთვის პასუხისმგებლობა საინფორმაციო საშუალებამაც უნდა გაიზიაროს.

რადიოსადგურის მთავარმა რედაქტორმა ალექსეი ვენედიქტოვმა წერილი საიტიდან მაშინვე მოხსა და ის შესასწავლად იურისტებს გადასცა.

Internet.ge