დაღესტანში მასშტაბური კონტრტერორისტული ოპერაცია მიმდინარეობს. წინასწარი მონაცემებით 5 ბოევიკი უკვე განადგურებულია. მოკლულებს შორის ამოიცნეს ადგილობრივი იატაკქვეშა ბანდის „ყიზლარის ბანდფორმირების“ წევრები.
„ვესტი.რუს“ ცნობით, ერთ-ერთი მოკლული მაგომედ მახმუდოვი, რომელიც  2011 წლიდან ფედერალურ ძებნაშია, „ყიზლარის ბანდფორმირებაში“ ე.წ. „შარიათის მოსამართლის“ ფუნქციას ასრულებდა.

ტყეში კიდევ 10 დამნაშავე იმალება, რომლებიც წვრილ-წვრილ ჯგუფებად მოქმედებენ. მათ აღმოსაჩენად ოპერაციაში საბრძოლო ვერტმფრენებია ჩართული.

სულ ცოტა ხნის წინ, მათ სპეცრაზმელებს ყუმბართმტყორცნებიდან ესროლეს.
ძალოვნებს შორის 2დაღუპულისა და 4 დაჭრილის შესახებ იუწყებიან.