ინტერნეტ-კორპორაცია Yahoo-ს ხელმძღვანელი სკოტ ტომპსონი პოსტს სკანდალით ტოვებს. მას ტყუილში ადანაშაულებენ. როგორც ირკვევა, ტომპსონმა რეზიუმეში თავისი განათლების შესახებ არარეალური ინფორმაცია მიუთითა, - იუწყება ტელეკომპანია CNBC.

საინფორმაციო სააგენტოებმა, ჯერ-ჯერობით, ვერ შეძლეს Yahoo-სგან ოფიციალური კომენტარის მოპოვება. თავად ტომპსონის კორპორატიული ფოსტა კი, უკვე აღარ მოქმედებს, - წერს Reuters.

მის მაგივრად მოვალეობის შემსრულებლად კომპანიის მედიამილოცვების განყოფილების ხელმძღვანელი როს ლევინსონი დაინიშნა.

მაისის დასაწყისში, ერთ-ერთმა  აქციონერმა დენიელ ლებმა, რომელიც Yahoo-ს აქციების 5,8% ფლობს, თავის ბლოგზე დაწერა, რომ ჩაატარა გამოძიება და გამოარკვია, რომ ტომპსონს არ აქვს კომპიუტერულ ტექნოლოგიებში ბაკალავრის ხარისხი, როგორც მან ეს თავის რეზიუმეში მიუთითა, ანუ იცრუა.

ლები მაშინ დაიმუქრა, რომ სარჩელს შეიტანდა დირექტორთა საბჭოს წინააღმდეგ, თუკი ტომპსონს თანამდებობიდან არ გაუშვებდნენ. კომპანიის პრეს-სამსახურმა განაცხადა, რომ დირექტორთა საბჭო იხილავს ამ საკითხს და აქციონერებისთვის განცხადებას მოგვიანებით გააკეთებს.

internet.ge