ელიავას ბაზრობაზე მდებარე მეორადი ტანსაცმლისა და საბურავების მაღაზიას ცეცხლი გაუჩნდა.
როგორც „ინტერნეტ.ჯი“-ს საგანგებო სიტუაციების საქალაქო სამსახურის უფროსმა თემურ გიორგაძემ განუცხადა, მაშველებმა ამ დროისათვის ხანძრის სრულად ლოკალიზება მოახერხეს.
გიორგაძის ინფორმაციით, ხანძარს მსხვერპლი არ მოჰყოლია და ხალხის შენობიდან დროულად გამოყვანა მოხერხდა.
ელიავას ბაზრობაზე შენობის 200 კვ მეტრი არის დამწვარი. ადგილზე სამაშველო, სახანძრო, საპატრულო და სამედიცინო დახმარების ბრიგადები არიან მობილიზებული.
თემურ გიორგაძის განცხადებით, ხანძრის გაჩენის მიზეზებზე საუბარი ჯერ ნაადრევია და აღნიშნულ ფაქტზე კრიმინალურმა პოლიციამ მუშაობა უკვე დაიწყო.
Internet.ge
