‘’აზერბაიჯანსა და საქართველოს შორის სადაო საკითხები არ არსებობს" - განაცხადა აზერბაიჯანის საგარეო საქმეთა სამინისტროს ოფიციალურმა წარმომადგენელმა ელმან აბდულაევმა, დავით გარეჯის საკითხის კომენტირებისას - იუწყება აზერბაიჯანული მედია.

‘’საკითხი, რომელიც მონასტერს უკავშირდება, წყდება საქართველო-აზერბაიჯანის საზღვრების დელიმიტაციისა და დემარკაციის კომისიის ფარგლებში და არის წმინდად ნორმატიულ-იურიდიული" - განაცხადა აბდულაევმა.

მისივე თქმით, ამ თემას შეეხებიან საქართველოსა და აზერბაიჯანის საგარეო საქმეთა მინისტრები ჩიკაგოში, ნატოს სამიტის შეხვედების ფარგლებში. ისევე როგორც, განიხილავენ ორ ქვეყანას შორის მომავალი ორმხრივი თანამშრომლობის განვითარების საკითხებს.

Internet.ge