სასაზღვრო პოლიციას, მოლდოვის რესპუბლიკის საზღვრის დაცვის სამასახურის დელეგაცია ეწვია, რომელსაც საგამოძიებო  სამმართველოს  განყოფილების უფროსის მოადგილე, მაიორ ანდრეი კომერზანი ხელმძღვანელობს.

დელეგაცია საქართველოს სასაზღვრო პოლიციის საგამოძიებო–ოპერატიული მთავარი სამმართველოსა და სამართლებრივი უზრუნველყოფის  სამმართველოს  წარმომადგენლებმა  მიიღეს.

შეხვედრაზე მხარეებმა გატარებულ რეფორმებზე ისაუბრეს. გაიმართა ორი ქვეყნის სასაზღვრო უწყების პრეზენტაცია.

ვიზიტის ფარგლებში, მოლდოველი კოლეგები ასევე გამართავენ  შეხვედრებს შსს კონტრტერორისტული ცენტრის, შსს აკადემიის,  საპატრულო პოლიციის და შსს საინფორმაციო–ანალიტიკური დეპარტამენტის წარმომადგენლებთან.

სტუმრები სასაზღვრო პოლიციის N3 სამმართველოს (წითელი ხიდი), საქართველოს შინაგან საქმეთა სამინისტროს მომსახურების სააგენტოს  ეწვევიან და იქ  არსებულ მდგომარეობას გაეცნობიან.

მოლდოველი მესაზღვრეები საქართველოს 25 მაისს  დატოვებენ.

Internet.ge