აშშ–ის სახელმწიფო დეპარტამენტის ადამიანის უფლებათა დაცვის ყოველწლიური ანგარიში გამოქვეყნდა.

ამერიკის საელჩოს ინფორმაციით, აღნიშნული ანგარიში ხელს შეუწყობს ადამიანის უფლებათა დარღვევის აღკვეთას და გააძლიერებს სხვადასხვა სახელმწიფოებში ადამიანის უფლებათა დაცვის მექანიზმებს.

ანგარიშში ყურადღება გამახვილებულია პრობლემებზე, რომელთა მოსაგვარებლად და საერთაშორისო სტანდარტების მისაღწევად, გარკვეული სამუშაოა ჩასატარებელი.

ანგარიშის მიხედვით, რელიგიურ უმცირესობათა უფლებების დაცვა გაუმჯობესდა, მათ შორის, პარლამენტის მიერ მიღებული კანონით, რომელმაც საქართველოს მართლმადიდებლურ ეკლესიასთან ერთად, სხვა რელიგიური ჯგუფების ფართო სპექტრსაც სამართლებრივი სტატუსი მიანიჭა.

„საქართველოს კონსტიტუციით, გათვალისწინებულია პრეზიდენტის წინაშე ანგარიშვალდებული აღმასრულებელი ხელისუფლება, ერთპალატიანი პარლამენტი და დამოუკიდებელი სასამართლო.

2008 წლის იანვარში პრეზიდენტი მიხეილ სააკაშვილი ხელახლა აირჩიეს. საერთაშორისო დამკვირვებლებმა მიიჩნიეს, რომ არჩევნები ძირითადად შეესაბამებოდა ევროპის უშიშროებისა და თანამშრომლობის ორგანიზაციის (ეუთოს) წინაშე ნაკისრ ვალდებულებებს დემოკრატიული არჩევნების ჩატარების შესახებ, მაგრამ ეუთომ აგრეთვე გამოარჩია პრობლემები, მათ შორის ფართოდ გავრცელებულ ბრალდებები მუქარისა და ზეწოლის შესახებ, ხმების დათვლისა და ტაბულაციის არასრულფასოვანი პროცესი და ნაკლოვანებები საჩივრებისა და აპელაციის წარდგენის პროცესში”,- ნათქვამია ანგარიშში.

internet.ge