შინაგან საქმეთა სამინისტროს ანალიტიკური დეპარტამენტის ხელმძღვანელის, შოთა უტიაშვილის განცხადებით, რამდენიმე დღის წინ, ოსი  სამართალდამცავების მიერ დაკავებული ოთხი ქართველი ხვალ დილით გათავისუფლდება.

შოთა უტიაშვილის განცხადებით, ერგნეთში, ინციდენტების პრევენციისა და მათზე რეაგირების სამუშაო ჯგუფის შეხვედრაზე გადაწყდა, რომ ერედვში დაკავებული 4 მოქალაქე, რომლებიც დაკავებისას ცხინვალის რეგიონის ადმინისტრაციული საზღვრის გავლით ჯონჯოლის მოსაკრეფად იმყოფებოდნენ, ხვალ დილითვე გათავისუფლდება.

ამასთან, მოლაპარაკებით გადაწყდა, რომ ოსები კიდევ ერთ ქართველს გამოუშვებენ ციხიდან, რომელიც მაშინ დააკავეს, როდესაც სოფელ ერედვში, დედის საფლავზე სანთლის დასანთებად იყო გადასული.

ინციდენტებისა და მასზე რეაგირების ფარგლებში მორიგი შეხვედრა 21 ივნისს გაიმართება.

internet.ge