გამოცდების ეროვნული ცენტრის საზოგადოებასთან ურთიეთობის სამსახურის უფროსმა მაია გაბუნიამ თანამდებობა დატოვა.

როგორც გაბუნიამ „ინტერნეტ.ჯი“-ს განუცხადა, ის უკვე აღარ იკავებს იმ თანამდებობას, რა პოზიციაზეც წლების განმავლობაში მუშაობდა.  

„მე ვადასტურებ, რომ დავტოვე თანამდებობა. ასევე, მზადდება ტექსტი, რომელსაც ცოტა ხანში გავავრცელებთ,“-ამბობს გაბუნია.

სააგენტოს შეკითხვაზე, დატოვებენ თუ არა თანამდებობებს ცალკეული საგნების მიმართულების ხელმძღვანელები, ჯერ უცნობია.

გაბუნიასთვის ასევე უცნობია გახდა თუ არა მიმინოშვილის გათავისუფლების მიზეზი მისი შვილის პოლიტიკური შეხედულება.

„მაია მიმინოშვილის გათავისუფლების ოფიციალურ მიზეზად არ დასახელებულა ის, რომ მისი ვაჟი და რძალი „ქართული ოცნების“ აქციაზე იმყოფებოდნენ, თუმცა ფაქტს ვადასტურებ, რომ ეს ნამდვილად მოხდა,“ - განუცხადა „ინტერნეტ.ჯი“-ს გაბუნიამ.

Internet.ge