2012 წლის 29–31 მაისს, თბილისის სააპელაციო სასამართლოსა და დრეზდენის უმაღლესი სამხარეო სასამართლოს შორის პარტნიორობისადმი მიძღვნილი ღონისძიება გაიმართება, რომელშიც მონაწილეობას საქართველოს უზენაესი სასამართლოს თავმჯდომარე კონსტანტინე კუბლაშვილი, საქართველოს იუსტიციის უმაღლესი საბჭოს მდივანი, თბილისის სააპელაციო სასამართლოს თავმჯდომარე ვალერი ცერცვაძე, თბილისის სააპელაციო სასამართლოს სამოქალაქო საქმეთა პალატის თავმჯდომარე ლაშა კალანდაძე, საქართველოს იუსტიციის საბჭოს წევრები, დრეზდენის უმაღლესი სამხარეო სასამართლოს თავმჯდომარე ულრიხ ჰაგენლოხი, GIZ-ის პროგრამის დირექტორი ცენო რაიჰენბეჰერი და სხვები მიიღებენ.
ღონისძიება 29 მაისს, 14:30 საათზე, გერმანული სახლში გაიხსნება (მის: ახვლედიანის აღმართი ქ. 4). მას გახსნის საქართველოს იუსტიციის უმაღლესი საბჭოს მდივანი, თბილისის სააპელაციო სასამართლოს თავმჯდომარე ვალერი ცერცვაძე, მარტინ ჰომოლა, GIZ-ის რეგიონალური დირექტორი და ულრიხ ჰაგენლოხი, დრეზდენის უმაღლესი სამხარეო სასამართლოს პრეზიდენტი.
გაკეთდება მოხსენებები თემებზე - სასამართლო რეფორმა საქართველოში, ინფორმაციის გაცემის ვალდებულება და ინფორმირების შესაძლებლობები და ინფორმაციის გაცემის ვალდებულება სამეცნიერო კვლევებზე.
internet.ge