გორიდან დღეს, პატრიოტების პირველი ნაკადი ანაკლიის ბანაკში გაემგზავრება. ახალგაზრდების 20 კაციანი ჯგუფი ანაკლიაში 7 ივნისამდე დარჩება. გამგეობის ინფორმაციით, ანაკლია წელს გორიდან 55 ახალგაზრდს უმასპინძლებს.

"უკვე რამოდენიმე წელია გვაქვს საშუალება პატრიოტების პროგრამით უფასო დასვენება მოვუწყოთ ახალგაზრდებს. პროგრამა „პატრიოტი 2012" წელს მხოლოდ ანაკლიაში ტარდება და გორის მუნიციპალიტეტიდან სულ 55 ახალგაზრდას მასპინძლობს. „პატრიოტ 2012"-ში მონაწილეთა ასაკობრივი ცენზი 15-დან 20-წლამდეა,“ - აღნიშნავენ გორის მუნიციპალიტეტის გამგეობის განათლების, კულტურის, სპორტისა და ახალგაზრდულ საქმეთა სამსახურში.

ანაკლიაში წელს გორის მუნიციპალიტეტიდან აქტიური და წარჩინებული ახალგაზრდები დაისვენებენ.

Internet.ge