რუსეთის პრეზიდენტის, ვლადიმერ პუტინის განცხადებით, „სამხრეთის ნაკადის“ გაზსადენის მშენებლობა მიმდინარე წლის ბოლოს დაიწყება.

„გასული წლის დეკემბერში გაზსადენმა დამატებითი იმპულსი მიიღო. თურქეთმა თანხმობა განაცხადა შუამავლის როლზე და ჩვენ უკვე მივიღეთ საბოლოო ნებართვა თურქეთის ხელისუფლებისგან,“ - განაცხადა პუტინმა რუსეთისა და ევროკავშირის შეხვედრაზე.

„სამხრეთის ნაკადი“ რუსული „გაზპრომის“, იტალიური Eni-ის, ფრანგული Électricité de France-ის და გერმანული BASF-ის ერთობლივი პროექტია. იგი ნაბუქოს გაზსადენის ალტერნატივაა და გულისხმობს გაზის ტრანზიტს ევროპაში შავი ზღვიდან ბულგარეთისა და სერბეთის გავლით. მისი ღირებულება 8,6 მილიარდი ევროა. გაზსადენის ექსპლუატაცია 2015 წლის 31 დეკემბრისთვის იგეგმება.

internet.ge