რუსეთმა ოკუპირებულ ცხინვალში თავისი საელჩო საზეიმოდ გახსნა. ცხინვალის დანგრეული ქუჩებისა და შენობების ფონზე აღნიშნული კომპლექსი - 3-სართულიანი ოფისითა და 6-სართულიანი საცხოვრებელი სახლით, მართლაც განსაკუთრებულად გამოიყურება.

შენობის გახსნის ცერემონიალზე, რომელსაც ჩრდილოეთ ოსეთის ხელმძღვანელი თეიმურაზ მამსუროვი და რუსეთიდან ჩასული დელეგაციაც ესწრებოდა, ცხინვალის რეგიონისადმი რუსეთის მიერ გაწეული „ფასდაუდებელი“ წვლილის გარდა „ქართულ აგრესიაზეც“ ისაუბრეს,  რის შემდეგაც მარიონეტული რეჟიმის ლიდერის ლეონიდ თიბილოვის თქმით, განვითარდა და გამყარდა ცხინვალისა და სოხუმის ურთიერთობები, მათ შორის გაფორმდა 100-მდე დოკუმენტი და შეთანხმება. ხოლო უსაფრთხოების სფეროში რუსეთთან თანამშრომლობა, თიბილოვის თქმით, „საქართველოს პრეზიდენტის რევანშისტული განწყობილებებითაა ნაკარნახევი“.

internet.ge