ამ წუთებში თბილისის საქალაქო სასამართლოში  ბიძინა ივანიშვილის მხრიდან მორიგი სამართალდარღვევის ოქმის განხილვა მიმდინარეობს.

საქმე ეხება ივანიშვილის მიერ მისი კუთვნილი კომპანიების -  "ბურჯისა" და "ელიტა ბურჯის" რესურსების გამოყენებით "ქართული ოცნების" საარჩევნო ინტერესებისთვის 239 ავტომობილის შეღავათიან ფასად სარგებლობას.

კონტროლის პალატის საჩივარის მიხედვით  მაშინ, როდესაც აღნიშნული ავტომობილების პაკეტი დღეში 150 დოლარს შეადგენს, „ელიტა ბურჯმა“  „გლობალ სერვისს“  239 ერთეული სხვადასხვა კლასის ავტომანქანა თვეში 600 ლარად მიაქირავა.

ცნობისთვის, კანონში შეტანილი ცვლილების თანახმად, მაშინ, როცა ამომრჩევლის წინასაარჩევნოდ მოსყიდვის მცდელობაში ერთი და იგივე ფიზიკური პირი რამდენჯერმეა შემჩნეული, მას არა ხუთმაგი, არამედ ათმაგი ჯარიმის გადახდა მოუწევს.

საქმეს იხილავს მოსამართლე ნანა დარასელია.

internet.ge