ნაგავსაყრელზე ნაპოვნი ჩვილი, რეანიმაციული განყოფილებიდან, პალატაში გადაიყვანეს.

ექიმების თქმით, ბავშვის ჯანმრთელობის მდგომარეობა დამაკმაყოფილებელია.

სოციალური მომსახურების სააგენტო კი, საბუთების გაფორმების შემდეგ ჩვილს ბავშვთა სახლში გადაიყვანს.

შეგახსენებთ, რომ  გლდანში, სანაგვე ურნაში ჩვილი იპოვნეს. პატარა სავარაუდოდ 10 დღისაა.

შინაგან საქმეთა სამინისტრო მისი მშობლების ვინაობის დადგენაზე უკვე მუშაობს. მშობელს, რომელმაც პატარა უმწეო მდგომარეობაში მიატოვა და მის სიცოცხლეს საფრთხე შეუქმნა, ქართული კანონმდებლობით 2 წლამდე პატიმრობა ემუქრება, მას ასევე ჩამოართმევენ დედობის უფლებასაც.

Internet.ge