არასაპატიმრო სასჯელთა აღსრულებისა და პრობაციის ეროვნული სააგენტოს ახლადდანიშნული თანამშრომლები, სასჯელაღსრულებისა და პრობაციის სასწავლო ცენტრში საბაზისო სასწავლო პროგრამას გადიან.

კონკურსის წესით შერჩეული თანამშრომლები, გაეროს მინიმალურ სტანდარტულ წესებს არასაპატიმრო სასჯელთან დაკავშირებით, ევროპის საბჭოს სტანდარტულ წესებს პატიმრობის ალტერნატიულ სასჯელებთან დაკავშირებით, საქართველოს კონსტიტუციას, სისხლის სამართლისა და საპროცესო კოდექსს, საზოგადოებისთვის სასარგებლო შრომას, სასჯელის ინდივიდუალურ დაგეგმვას, განრიდებასა და მის კონცეფციას ეცნობიან.

სასჯელაღსრულების სამინისტროს ინფორმაციით, თეორიული სწავლების გარდა, მსმენელებს პრაქტიკული მეცადინეობები მოხსენებითი ბარათის მომზადებაში, ადმინისტრაციული სამართალდარღვევის ოქმის შედგენასა და პირადი საქმეების წარმოებაში ჩაუტარდათ.

ტრენინგის შემდეგ მსმენელები გაივლიან 2 კვირიან პრაქტიკას პრობაციის შესაბამის ბიუროში, სადაც მიღებული ცოდნა და უნარ-ჩვევები შეფასდება.

Internet.ge