ჩრდილოეთ კავკასიის იატაკქვეშა ბანდფორმირებებმა უცხოეთიდან დაფინანსების სახით 30 მილიონ დოლარამდე თანხა მიიღეს. მათ შორის საზოგადოებრივმა ორგანიზაციებმაც, რომლებიც ყოველთვის არ არიან დაკავებული ადამიანის უფლებებით - განაცხადა რუსეთის პრეზიდენტის წარმომადგენელმა ჩრდილოეთ კავკასიაში, ალექსანდრე ხლოპონინმა.

„ჩრდილოეთ კავკასია ერთგვარი ვაჭრობის საგანია გეოპოლიტიკური ამოცანების გადაჭრისას. რასაკვირველია, არის ინფორმაცია, რომ გარკვეული დაფინანსება მოდის მეზობელი ქვეყნებიდან“ - აღნიშნა ხლოპონინმა.

ჩინოვნიკს არ დაუკონკრეტებია, რომელ ქვეყნებს გულისხმობდა, თუმცა ხაზი გაუსვა, რომ ეს ჩრდილოეთ კავკასიის მოსაზღვრე ქვეყნებია.

internet.ge