Google-მა ახალი მონაცემები გამოაქვეყნა, რომელიც სხვადასხვა ქვეყნის მიერ ინტერნეტ-საძიებლიდან გარკვეული ინფორმაციის წაშლის მოთხოვნებს ეხება. კომპანია უკმაყოფილებას გამოხატავს მსგავსი მოთხოვნების ზრდის გამო.

როგორც ინტერნეტ-გიგანტის წარმომადგენლები აცხადებენ, უფრო და უფრო მატულობს პროტესტი პოლიტიკური შინაარსის შემცველ ბლოგებზე, ვიდეოებსა და სხვა სახით წარმოდგენილ ინფორმაციაზე. 

კომპანიის მიერ გამოქვეყნებული მონაცემების თანახმად, 103%-ით გაიზარდა აშშ-ის ხელისუფლების მიერ გაგზავნილი მოთხოვნები, რომელთა უმეტესობაც მომხმარებელთა პირადი მონაცემების წაშლას ეხება. მათ შესრულებაზე Google-მა უარი განაცხადა.

ცენზურის მცდელობის მხრივ, მეორე ადგილზე ინდოეთია (49%), ხოლო სასამართლოს გადაწყვეტილებით გამყარებული მოთხოვნების მხრივ, ბრაზილია ლიდერობს.

ზემოთ ჩამოთვლილთა გარდა, გასულ წელს Google-ისადმი გაგზავნილი მოთხოვნებით დაწინაურდნენ ბოლივია, იორდანია, უკრაინა და ჩეხეთიც. ამ ქვეყნების ხელისუფალთ, როგორც მონაცემებიდან ჩანს, ყველაზე მეტად YouTube-ზე განთავსებული ვიდეორგოლები აღელვებთ.

Internet.ge