საქართველოს პროკურატურა "კომპანია "ელიტა ბურჯის" შენობაში პოლიციელთა
გამოჩენის შესახებ განცხადებას ავრცელებს.
"კომპანია "ელიტა ბურჯის" ცენტრალურ და სხვა
საწყობებში
პოლიციის წარმომადგენელთა
გამოცხადება
განპირობებულია
"გლობალ
კონტაქტ კონსალტინგის"
მფლობელობაში
არსებული სატელევიზიო ანტენების დაყადაღების შესახებ სასამართლოს გადაწყვეტილების
აღსრულებით.
ზემოთ აღნიშნული ანტენების ძირითადი ნაწილი სწორედ "ელიტა ბურჯის" საწყობებშია განთავსებული.
პოლიციელთა
მოქმედება
დაკავშირებულია
ყადაღის შესახებ სასამართლოს გადაწყვეტილების
აღსრულებისას
საქართველოს
კანონმდებლობით
გათვალისწინებულ
საპროცესო
ღონისძიებასთან,
რომელიც ამ კონკრეტულ შემთხვევაში არ უკავშირედბა
"ელიტა
ბურჯის"
სამეწარმეო
საქმიანობის
ან სხვაგვარი აქტივობის რევიზიას",
- ნათქვამია
განცხადებაში.
მთავარი
პროკურატურა ასევე განმარტავს, რომ „2012 წლის 20 ივნისს კონტროლის პალატის მიერ მოწოდებული
ინფორმაციის საფუძველზე, დაიწყო გამოძიება ამომრჩევლის მოსყიდვის ფაქტთან
დაკავშირებით (დანაშაული გათვალისწინებული საქართველოს სისხლის სამართლის კოდექსის
1641 მუხლით).
„გლობალ კონტაქტ
კონსალტინგისადმი" საქართველოს კონტროლის პალატის მიმართვის მიუხედავად,
ცალკეულ პირთა მხრიდან კვლავ გრძელდება ამომრჩევლებისთვის პოლიტიკური სუბიექტის
მხარდაჭერის პირობით, სატელევიზიო ანტენების გადაცემა.
საქართველოს პროკურატურა მიიჩნევს, რომ
აღნიშნული ქმედება შესაძლოა შეიცავდეს დანაშაულის ნიშნებს. შესაბამისად, არსებობს
საკმარისი საფუძველი დაიწყოს გამოძიება. ამასთანავე, პროკურატურას მიზანშეწონილად
მიაჩნია, გამოიყენოს სისხლის სამართლის საპროცესო კოდექსით მისთვის მინიჭებული უფლებამოსილება
და გამოძიების დასრულებამდე სასამართლოს მიმართოს შუამდგომლობით შპს
„გლობალ კონტაქტ კონსალტინგის" მფლობელობაში არსებული,
დაუმონტაჟებელი სატელევიზიო ანტენების დროებით დაყადაღების შესახებ.
აღნიშნული მიზნად ისახავს შესაძლო
დანაშაულის თავიდან აცილებას, ასევე წინაასარჩევნო პროცესების დაცვას შესაძლო
დანაშაულებრივი ჩარევისაგან და პოლიტიკური პარტიებისა და მოქალაქეების საარჩევნო
უფლებებისა და გამოხატვის თავისუფლების უზრუნველყოფას.“
Internet.ge
