ბიძინა ივანიშილის ადვოკატის ზაქარია ქუცნაშვილის განცხადებით, ამ დროისათვის მიმდინარეობს დაზუსტება ინფორმაციისა, „გლობალ კონტაქტ კონსალტინგის“ მფლობელობაში არსებული სატელევიზიო ანტენების დაყადაღება მოხდა თუ დალუქვა.

როგორც „ინტერნეტ.ჯი“-ს ადვოკატმა განუცხადა, დაყადაღება და დალუქვა სხვადასხვა რამ არის, ამიტომ ყველაფერი უნდა გაირკვეს, რის შემდეგაც კომენტარს გააკეთებენ.

შეგახსენებთ, რომ ამ დროისათვის კომპანიის მფლობელობაში არსებულ ყველა საწყობში სოდ-ის წარმომადგენლები იმყოფებიან. პროკურატურის განმარტებით, შესვლის მიზეზი „გლობალ კონტაქტ კონსალტინგის“ მფლობელობაში არსებული სატელევიზიო ანტენების დაყადაღების შესახებ სასამართლოს გადაწყვეტილების აღსრულებითაა განპირობებული.

Internet.ge