„მეზღვაურები ქართული საზოგადოების მნიშვნელოვანი ნაწილია,“ - ამ სიტყვებით მიმართა მიხეილ სააკაშვილმა ბათუმის პორტში შეკრებილ მეზღვაურებს,  სადაც მეზღვაურთა საერთაშორისო დღისადმი მიძღვნილი ღონისძიება გახსნა.

მისი თქმით, 18 ათასი საქართველოს მოქალაქე მსოფლიო ოკეანეებს იცავს.

„ეს არის მძიმე, საპასუხისმგებლო, ხიფათით აღსავსე, მაგრამ ამავე დროს ძალიან ამაღლებული, რომანტიული, საინტერესო, ძალიან ინტელექტუალური და შრომატევადი პროფესია. საქართელოს აქვს დიდი ტრადიცია. ჩვენ ყოველთვის გვყავდა კარგი კაპიტნები. ეს 18 ათასი ადამიანი მნიშვნელოვანი ნაწილია ჩვენი ეკონომიკის და მათ შორის ამ ქალაქის აღორძინების“,- განაცხადა საქართველოს პრეზიდენტმა.

მისი თქმით, იმ საინტერესო ეპოქას, რომელშიც საქართველო ცხოვრობს, ყველაზე მეტად მეზღვაურები ამჩნევენ.

ბათუმის პორტში იმყოფებოდნენ სომალელი მეკობრეობის ტყვეობიდან გათავისუფლებული ქართველი მეზღვაურებიც.

Internet.ge