ხვალ, 12:00 სთ-ზე საქართველოს შსს აკადემიაში საგანგებო სიტუაციებზე რეაგირების ძალების მეხანძრე-მაშველთა სპეციალური პროფესიული მომზადების კურსის დასრულების ცერემონიალი გაიმართება. 

შსს-ს აკადემიის ინფორმაციით, აღნიშნული კურსის მიზანია საგანგებო სიტუაციებზე რეაგირების ძალების კვალიფიციური კადრებით უზრუნველყოფა. 

კურსი 2012 წლის 7 მაისს დაიწყო და 6 ივლისს დასრულდა. კურსზე ჩარიცხულმა 25 მსმენელმა სწავლა წარმატებით დაასრულა, მათ შორის სამმა - წარჩინებით. სწავლების ხანგრძლივობა 9 კვირაა. 

კურსდამთავრებულებს სერთიფიკატებს გადასცემენ შსს აკადემიის რექტორი დავით აფრასიძე და შსს საგანგებო სიტუაციების მართვის დეპარტამენტის დირექტორის მოადგილე გიორგი მანდარია.

internet.ge