ერთიან ეროვნულ გამოცდებს დღეს აბიტურიენტები ისტორიაში აბარებენ.

სამინისტროს ინფორმაციით, გამოცდები 17 ივლისს მათემატიკის გამოცდით გაგრძელდება, 18 ივლისს ბიოლოგიაში, 19-ში კი, ქიმიაში ჩატარდება.

გამოცდები მთელი საქართველოს მასშტაბით, 17 საგამოცდო ცენტრში მიმდინარეობს.

წელს, 10%-ით გაიზარდა მინიმალური კომპეტენციის ზღვარი სამედიცინო და იურიდიულ ფაკულტეტებზე. შესაბამისად, სამედიცინოზე და იურიდიულზე ჩაბარების მსურველებმა სამ საგანში 35%, ხოლო მეოთხეში, უცხო ენაში 30%-იანი ბარიერი უნდა გადალახონ. ასევე ცნობილია, რომ დაჩქარდება შედეგების გამოცხადება  და ოქტომბრის ნაცვლად საბოლოო პასუხები,  25 აგვისტოს  გახდება ცნობილი.

internet.ge