მოძრაობა „FEMEN“-ის აქტივისტი იანა ჟდანოვა რუსეთის პატრაიარქს კიევის აეროპორტ „ბორისპოლში“ აქციით დახვდა.

ჟდანოვა, ნახევრად შიშველ მდგომარეობაში დაესხა თავს ეკლესიის მეთაურს, რითაც კირილის „ანტისახელმწიფოებრივი მოღვაწეობის მიმართ“ თავისი პროტესტი გამოხატა - ნათქვამია მოძრაობა „FEMEN“-ის მიერ გავრცელებულ პრეს-რელიზში.

აქტივისტმა გააპროტესტა ის ფაქტიც, რომ რუსეთში აკავებენ ადამიანებს, რომლებიც ანტიპუტინური ლოზუნგებით გამოდიან.

როგორც უკრაინული მედია იუწყება, ჟდანოვა, მას შემდეგ, რაც აეროპორტში პატრიარქი დაინახა, მასთან მიიჭრა და ყვირილი დაიწყო: „Изыди вон, изыди вон“. გოგონა პოლიციამ დააკავა, მითუმეტეს, რომ როგორც „უკრაინსკიე ნოვოსტი“ წერს, ჟდანოვას ტანზე ეწერა: „Kill Kirill“.