ურალის სოციალური სამსახურის წარმომადგენლები შოკირებულები იყვნენ, როცა ერთ-ერთ სოფელში აღმოაჩინეს ბავშვი, რომელიც ძროხებთან ერთად ცხოვრობდა - წერენ რუსული გაზეთები.

5 წლის გოგონა უკვე წაართვეს მშობლებს, რომელთა მიმართაც სისხლის სამართლის საქმეც აღიძრა.

როგორც გაირკვა, მშობლები ალკოჰოლზე არიან დამოკიდებული. მათ ძროხებთან ერთად ჰყავდათ ბავშვი ჩაკეტილი და მხოლოდ საქმის გასაკეთებლად უშვებდნენ გარეთ. არც საჭმელს აჭმევდნენ ნორმალურად. გოგონამ ლაპარაკიც კი არ იცის, რის გამოც ცხოველურ ხმებს გამოსცემს და საკვებსაც ხელიდან ან მიწიდან ჭამს.

გამოძიებამ დაადგინა, რომ მამინაცვალი ბავშვს სცემდა კიდეც.

გოგონა ამ დროისათვის სარეაბილიტაციო ცენტრშია გადაყვანილი, თუმცა ექიმები ამბობენ, რომ ის ვერასოდეს შეძლებს სრულფასოვანი ფსიქოლოგიური მდგომარეობის აღდგენას.

Internet.ge