აშშ-ში, მერილენდის
შტატში კიდევ ერთი ბოროტმოქმედი დააკავეს, რომელიც საკუთარ თავს ჯოკერს უწოდებს.
კოლორადოში მომხდარი ტრაგედიის მთავარი მოქმედი გმირისგან განსხვავებით, 28 წლის
ნეილ პრესკოტმა საკუთარი დანაშაულებრივი გეგმის განხორციელება ვერ მოასწრო.
ახალგაზრდა მამაკაცს იმ
კომპანიის თანამშრომლებზე სურდა შურისძიება, რომლიდანაც ცოტა ხნის წინ დაითხოვეს.
მუქარისშემცველი რამდენიმე ზარის შემდეგ ფირმის ხელმძღვანელობამ პოლიციას მიმართა.
ბოროტმოქმედს სამართალდამცავებმა თითქმის ორი ათეული ავტომატური ცეცხლსასროლი
იარაღი და თოფი აღმოუჩინეს.
ამჟამად პრესკოტი
დაკავებულია. იგი საავადმყოფოში გადაიყვანეს, რათა ფსიქიატრიული ექსპერტიზა
ჩაუტარდეს.
შეგახსენებთ, რომ 20
ივლისს კოლორადოში ჯეიმს ჰოლმსმა ფილმის „შავი რაინდი: აღზევება“ ჩვენებისას
დარბაზში სროლა ატეხა, რასაც 12 ადამიანის სიცოცხლე შეეწირა, 58 კი - დაშავდა.
ჰოლმსმა აღნიშნული დანაშაული სწორედ ჯოკერის მიბაძვით ჩაიდინა.
Internet.ge
