ექსპერტებმა დაადგინეს, რომ ურალში 175 ნარკოდამოკიდებული ახალგაზრდის გარდაცვალების მიზეზი ესპნაურ ყაყაჩოზე დამზადებული ნარკოტიკია.

როგორც „ინტერნეტ.ჯი“ რამდენიმე დღის წინ იუწყებოდა, ჩელიაბინსკში 8-ჯერ არის გაზრდილი ახალი ნარკოტიკის გამოყენება, რაც ნარკომანების მასობრივ სიკვდილიანობას გამოიწვევს.

„ლაიფ-ნიუსის“ ინფორმაციით, ნარკომანები ესპანეთიდან ჩამოტანილი ფარმაცევტული ყაყაჩოს გამოყენების შედეგად დაიღუპნენ.

სპეციალისტების თქმით, ყაყაჩოს ნარჩენები გაჟღენთილია ქიმიური პრეპარატებით, რომლებსაც შეუძლიათ ორგანიზმი რამდენიმე დღეში მოწამლონ და მოკლან ადამიანი.

ამას ემატება ისიც, რომ ნარკომანები მასში, ეფექტის გასაზრდელად, მეტ გამხსნელს და სხვადასხვა ქიმიური ნივთიერებებს ურევდნენ. ქიმიკატები კი იწვევს მდგომარეობას, რომლის დროსაც უცბად კვდებიან.

ახალი ნარკოტიკი შედგება ყაყაჩოსგან, დიმედროლისგან და გამხსნელისგან, ზოგჯერ კი ისეთი ნივთიერებებისგანაც, რომლებიც ე.წ. კაიფის ეფექტს აძლიერებს - ამბობს ექსპერტი ევგენი შვედოვი.

ორი თვის წინ მოსკოვის შემოგარენში 700 ტონა უხარისხო ესპანური ყაყაჩო დააკავეს, თუმცა, როგორც ჩანს, ნედლეული, ქვეყნის მასშტაბით, მაინც გავრცელდა.

internet.ge