კოალიცია „ქართული ოცნების“ ლიდერი ბიძინა ივანიშვილი, ბეშუმში „შუამთობის“ დღესასწაულს დაესწრება.

ამის შესახებ „ინტერნეტ.ჯი“-ს ივანიშვილის პრესსპიკერმა მაია ფანჯიკიძემ განუცხადა.

მისი თქმით, ივანიშვილი დღესასწაულზე დასწრებას გეგმავს და მასთან ერთად ასევე, კოალიციის სხვა ლიდერებიც იქნებიან.

შეგახსენებთ, რომ 4-5 აგვისტოს ბეშუმი სახალხო დღესასასწაულს „შუამთობას“ უმასპინძლებს. მთიანი კურორტის პოპულარული დღესასწაული ტრადიციულად აგვისტოს პირველ შაბათ-კვირას ტარდება.

„შუამთობა“ ძირითადად მესაქონლეობასთან დაკავშირებული დღესასწაულია, რომელიც მთაში ყოფნის შუა პეროდს ემთხვევა და ამიტომაც ეწოდება შუამთობა.

დღეს, სახალხო დღესასწაულზე, სპორტული და კულტურული ღონისძიებები მოეწყობა.

internet.ge