თბილისის მერმა „ნაციონალური  მოძრაობის“ კრწანისის მაჟორიტარობის კანდიდატი დავით საყვარელიძე ქვემო ფონიჭალაში „ციტო მედის“ ექიმებს წარუდგინა.

საუბრის მთავარი თემა ჯანდაცვის ხელმისაწვდომობა და დაზღვევა იყო.

გიგი უგულავას განცხადებით მმართველი გუნდის მთავრი საზრუნავი ჯანდაცვის ხელმისაწვდომობაა.

„მოქალაქეებს ხარისხიანი დაზღვევა და მსგავსი ტიპის სამკურნალო დაწესებულებები უნდა შევთავაზოთ“,- განაცხადა უგულავამ.

თბილისის მერი მედპერსონალის ანაზღაურებითაც დაინტერესდა და აღნიშნა, რომ თუ ექიმს სადაზღვეო კომპანია კუთვნილ თანხას უგვიანებს ეს ყოველივე პაციენტისა და ექიმის ურთიერთობაზე აისახება.

„ხელფასების დაგვიანება წარსულის გადმონაშთია, რადგან არცერთ სფეროში არ ხდება კუთვნილი თანხის დაგვიანება. პრობლემად რჩება  ექიმების გასამჯელო“,- აღნიშნა გიგი უგულავამ.

ექიმებთან საუბრის შემდეგ დავით საყვარელიძე და გიგი უგულავა ადგილობრივებს შეხვდნენ და მათთან ერთად ნარდიც ითამაშეს.

internet.ge