ოდესის საკურორტო სოფელ გრიბოვკაში ცეცხლი წაუკიდეს წმინდა სერგეი რადონეჟსკის ტაძარს, რომელიც ადგილობრივ სასაფლაოზე გასულ წელს ააგეს.
სოფლის ხელმძღვანელობის განცხადებით, მილიციამ დაადგინა, რომ საკულტო ნაგებობა შეგნებულად დაწვეს. უკვე დაკავებულია დამნაშავეც.
ეკლესია სრულიად განადგურდა, მათ შორის ხატები და ყველა საეკლესიო ნივთი.
ოფიციალურად, მომხდარი ვანდალური აქტის მოტივი დადგენილი არ არის, თუმცა ადგილობრივი მედია ვარაუდობს, რომ გამოძიებას აქვს ვერსია, რომლის აფიშირებასაც ჯერ არ ახდენს და ის დაკავშირებულია რუსეთში დაკავებული პანკ-ჯგუფის Pussy Riot-ის წევრებისათვის გამოტანილ განაჩენთან.
შეგახსენებთ, პანკ-ჯგუფის სამ წევრს 2 წლით თავისუფლების აღკვეთა მიუსაჯეს.
Internet.ge
