ქუთაისში ამ წუთებში დავით აღმაშენებლის სახელობის საერთაშორისო აეროპორტში ასაფრენი ბილიკის პრეზენტაცია მიმდინარეობს. ასაფრენი ბილიკის პრეზენტაციას ეკონომიკის მინისტრი ვერა ქობალია ესწრება. ასაფრენი ბილიკის სიგძე 2 კილომეტრი და 600 მეტრია.

რამდენიმე წუთში კი ახალ ასაფრენ ზოლზე პირველი მსოფლიო კლასის სატვირთო „ავია ბოინგი 747“ დაჯდება. 

„ქუთაისის აეროპორტი გვაძლევს საშუალებას იაფად გავემგზავროთ ევროპაში, ევროპელები ჩამოვიდნენ ასევე საქართველოში. გვაძლევს საშუალებას, რომ დავასაქმოთ კიდევ უფრო მეტი ადამიანი იმერეთში, როგორც ავიაციის მიმართულებით,  ისე სხვადასხვა პროფესიონალური მიმართულებით თვითონ აეროპორტში. სექტემბერში დაიწყება პირდაპირი ფრენები კიევში, გაზაფხულიდან კი გვექნება ფრენები ქუთაისიდან ბელგიაში და გერმანიაში“ - განაცხადა ვერა ქობალიამ.

შეგახსენებთ, რომ 27 სეტქემბრიდან აეროპორტი ოფიციალურად გაიხსნება და სამოქალაქო რეისებს უმასპინძლებს.

აღნიშნულ აეროპორტს A კატეგორიის წოდება მიენიჭება.

internet.ge