როგორც ჟურნალისტებთან საუბრისას წულუკიანმა განაცხადა, ის დებს პირობას, რომ ამომრჩევლებს იმედებს არ გაუცრუებს და მათთან შეთანხმების გარეშე გადაწყვეტილებებს არ მიიღებს.

ახალი მოწვევის პარლამენტის პირველ სხდომაზე დასასწრებად ქუთაისში უკვე ჩავიდა პრემიერ-მინისტრობის კანდიდატი ბიძინა ივანიშვილი, რომელიც დღევანდელ სხდომას სტუმრის სტატუსით დაესწრება. მას დავით უსუფაშვილი პარლამენტის ახალ შენობას ათვალიერებინებს.

პარლამენტში უმცირესობას დავით ბაქრაძე უხელმძღვანელებს. “ერთიან ნაციონალურ მოძრაობას” საკანონმდებლო ორგანოში, უმრავლესობის მსგავსად სამი ფრაქცია ეყოლება.

როგორც ცნობილია, კოალიცი “ქართულ ოცნებას” პარლამენტში 3 ფრაქცია ეყოლება. “ქართული ოცნების” თავმჯდომარე ზაქარია ქუცნაშვილი იქნება, “რესპუბლიკელების” დავით ბერძენიშვილი, “თავისუფალ დემოკრატებს” კი, ირაკლი ჩიქოვანი უხელმძღვანელებს.

პარლამენტში გამართულ პლენარულ სხდომას მხოლოდ ოპერატორები და ფოტოგრაფები დაესწრებიან. ამის შესახებ ჟურნალისტებს პარლამენტის პრესსამსახურის წარმომადგენელმა განუცხადა.

პარლამენტის თავმჯდომარეობის კანდიდატის, დავით უსუფაშვილის განცხადებით, დღევანდელ პლენარულ სხდომას, უხუცესი დეპუტატი გოგი ოჩიაური ვერ დაესწრება, რის გამოც, სხდომას სპიკერის, არჩევამდე ვანო კიღურაძე წარუძღვება.

ქუთაისში, პარლამენტის პირველი სხდომა დღეს, 13:00 საათზე გაიმართება. სხდომაზე დეპუტატებისთვის უფლებამოსილების მინიჭების საკითხი განიხილება. ასევე პარლამენტის თავმჯდომარეს, ვიცე-სპიკერსა და ფრაქციების თავმჯდომარეებს აირჩევენ.

კოალიციის წევრები სწავლობენ პლენარულ სხდომათა დარბაზს, დამონტაჟებული აპარატის მუშაობის სპეციფიკას და ყველა იმ საკითხს, რაც ხვალინდელი სესიის უზრუნველსაყოფად არის საჭირო.

გლდანის რაიონში, უხვმა ნალექმა და წყლის მილის დაზიანებამ საცხოვრებელი სახლების დატბორვა გამოიწვია. წყალი ქუჩაზე არსებულ საამქროებსა და მაღაზიებში შევარდა. მოსახლეობა ზარალის ანაზღაურებას ითხოვს.

გეოფიზიკის ინსტიტუტის შენობაში შეჭრილი, აფხაზეთიდან დევნილი 40-მდე ოჯახი, ახალი პარლამენტის დამტკიცების შემდეგ, ლტოლვილთა და განსახლების მინისტრს, ფართის დაკანონების თხოვნით მიმართავს.

ჭიათურის მაღაროს მუშები ხელფასების გაზრდის მოთხოვნით მეშვიდე დღეა გაფიცულები არიან. შესაბამისად, ჭიათურის მაღაროებში მუშაობა კვლავ პარალიზებულია.