ალექსანდრე ანქვაბზე თავდასხმაში ეჭვმიტანილი 6 პირი დააკავეს, 4 მათგანს ბრალი უკვე წაუყენეს. ცნობილი გახდა დაკავებულთა ვინაობა. ესენი არიან: აფხაზი ბიზნესმენი ანზორ ბუთბა, ალხაზ და თემურ ხუტაბები და ძმები ხაშიბები. 

როგორც „ლაიფ ნიუსი“ იტყობინება, გამოძიებას აქვს მყარი მტკიცებულებები იმისა, რომ ანზორ ბუთბამ, ძმებმა ხატუბებმა და ერთ-ერთმა ხაშიბმა დანაშაული  ნამდვილად ჩაიდინეს. დანარჩენები, ჯერ მხოლოდ ანაშის შენახვის ბრალდებით არიან დაკავებულები. დანაშაულს არ აღიარებს ალხაზ ხატუბა და ამბობს, რომ ალიბი აქვს. 

როგორც ცნობილია, 22 თებერვალს აფხაზეთის სეპარატისტული რეჟიმის ლიდერზე თავდასხმას ადგილობრივი სამართალდამცველები ე.წ. ქართულ კვალს უკავშირებდნენ, თუმცა გაირკვა, რომ ალექსანდრე ანქვაბზე თავდასხმა ადგილობრივ ბიზნესმენთა წრეებში დაიგეგმა და განხორციელდა, რასაც ექსპერტები უკონტროლო ტერიტორიაზე არსებული კლანური დაჯგუფებების ბრძოლას უკავშირებენ.

Internet.ge