მოსკოვში ვლადიმერ პუტინსა და ცხინვალის მარიონეტული რეჟიმის ლიდერს ლეონიდ თიბილოვს შორის გამართული შეხვედრისას რუსეთის პრეზიდენტმა იმედი გამოთქვა, რომ სამხრეთ ოსეთი შეძლებს ურთიერთობების დალაგებას მეზობლებეთან.
"ახლა რეგიონში სიტუაცია რამდენადმე იცვლება და იმედი მაქვს, რომ უკეთესობისკენ შეიცვლება და თქვენ შეძლებთ ააწყოთ კარგი ურთიერთობები მეზობლებთან,” - განაცხადა პუტინმა და როგორც რუსული და ოსური მედია წერს, სწორედ საქართველო იგულისხმა.
ამასთან, პუტინმა აღნიშნა, რომ ცხინვალის რეგიონში მცხოვრები მოსახლეობის უმრავლესობა რუსეთის მოქალაქეცაა და ამიტომ, რუსეთისთვის სულ ერთი არაა, როგორ იცხოვრებენ ისინი. ამის გათვალისწინებით, პუტინი თიბილოვს სოციალური და ეკონომიკური პრობლემების გადაწყვეტაში კვლავაც დახმარებას დაპირდა.
Internet.ge
