გალის რაიონის სოფელ ჭუბურხინჯში, ექსპლუატაციაში შევიდა რუსეთის „ფსბ“-ს სასაზღვრო განყოფილების ახალი სამხედრო „გარადოკი“, - იუწყება „აპსნიპრესი“, რომლის ცნობითაც, სამხედრო ქალაქი 2 ჰექტარზეა განთავსებული.

სასაზღვრო კომპლექსი „ენგური“ აღჭურვილია საზღვრის დაცვის მოთხოვნების შესაბამისად. აქ 80 მესაზღვრე ოჯახებთან ერთად იცხოვრებს.

სამხედრო ქალაქის მშენებლობა 9 თვის განმავლობაში მიმდინარეობდა.
მისი გახსნის ცერემონიაზე რუსეთის „ფსბ“-ს სასაზღვრო განყოფილების ხელმძღვანელმა სერგეი კომარევცევმა მადლობა გადაუხადა გალის რაიონის ხელმძღვანელობას  მიწის ნაკვეთის გამოყოფისა და მშენებლობასთან დაკავშირებული სხვა საკითხების მოგვარებაში დახმარებისათვის.

internet.ge