დაღესტანის ხელისუფლებისა და საგანგებო სიტუაციების სამსახურის
მიერ შემქნილმა სპეციალურმა კომისიამ გუშინ მომხდარი ხანძრის შედეგები წარმოადგინა.
მათი განცხადებით, მომხდარის შედეგად 32 სახლი დაიწვა, რომლებშიც 287 ადამიანი, მათ
შორის 107 ბავშვი, ცხოვრობდა.
სამაშველო სამსახურის თანამშრომლები ხანძარს გუშინ შუაღამემდე
ებრძოდნენ.
სპეციალისტები მომხდარის მიზეზებს ჯერ კიდევ არკვევენ. ადგილზე
მუშაობენ ფსიქოლოგებიც, რომლებიც დაზარალებულებს დახმარებას უწევენ.
დაღესტანის ხელისუფლებამ 2 მილიონი რუბლი გამოყო სოფელ ხუტრახის
მცხოვრებთათვის ერთჯერადი მატერიალური დახმარების გასაწევად. ერთ ადამიანზე 10 ათასი
რუბლია გამოყოფილი, ოჯახზე კი - მაქსიმუმ 25 ათასი.
Internet.ge
