ევროკავშირის
სადამკვირვებლო მისია მიესალმება უკანასკნელ დღეებში სამხრეთ ოსეთის დე ფაქტო ხელისუფლების
მიერ საქართველოს ოთხი მოქალაქის გათავისუფლებას.
დაკავებულთა
გათავისუფლება ინციდენტების პრევენციისა და მათზე რეაგირების მექანიზმის ფარგლებში
25 მაისს ერგნეთში ჩატარებულ შეხვედრაზე მხარეების შეთანხმების შემდეგ ერთ დღეში
განხორციელდა. დაკავებული პირები ძირითადად ჯონჯოლის მკრეფავები იყვნენ, რომლებმაც
ადმინისტრაციული საზღვარი სავარაუდოდ შემთხვევით გადაკვეთეს - ნათქვამია
ევროკავშირის სადამკვირვებლო მისიის მიერ გავრცელებულ განცხადებაში.
მისია
კონსტრუქციული მიდგომის გამოხატვისათვის ყველა მხარის მადლიერია და აცხადებს, რომ ინციდენტების
პრევენციისა და მათზე რეაგირების მექანიზმის ფარგლებში ჩატარებული შეხვედრები და
ცხელი ხაზის მექანიზმი ნდობის აღდგენის ფუნდამენტურ საშუალებას წარმოადგენს.
ზემოაღნიშნული ასევე მნიშვნელოვან როლს ასრულებს ადმინისტრაციულ საზღვართან
მცხოვრები მოსახლეობის საყოფაცხოვრებო საკითხების მოსაგვარებლად.
Internet.ge
