აფხაზეთის მარიონეტული რეჟიმის ლიდერმა ჩეხეთის ელჩი საქართველოში ივან ესტრაბა და მისი მოადგილე მიროსლავ კოზაკი მიიღო.

სააგენტო „აპსნიპრესის“ ცნობით, ჩეხეთის ელჩმა შეხვედრაზე განაცხადა, რომ ყურადღებით ადებნებენ თვალს აფხაზეთში მიმდინარე პროცესებს, მაგრამ „ვგრძნობთ, რომ ინფორმაცია არასაკმარისია“.

ოვან ესტრაბამ ანქვაბს თავისი ვიზიტის ორი მიზანი დაუსახელა: გულახდილად ისაუბრონ მიმდინარე პროცესებზე და შეეცადონ გაარკვიონ, რა საჭიროებები აქვს აფხაზეთს, რათა შესაძლო თანამშრომლობის სფეროები განსაზღვრონ. 

ანქვაბმა აღნიშნა, რომ აფხაზური მხარე ყოველთვის მზადაა სერიოზული საუბრებისთვის და „სხვა რამეზე დროის ხარჯვა არავის სურს“.

„ჩვენ ჩვენი კალაპოტით მივდივართ და სასურველია, რომ ჩვენმა პარტნიორებმაც თავისი გზით იარონ - გარკვეულ ქვეყნებთან ვალდებულებების გარეშე,“  - აღნიშნა მან და ხაზი გაუსვა, რომ იმისათვის, რომ ურთიერთობები გასაგები იყოს, უნდა შემუშავდეს თამაშის წესები, რომლებიც მხარეებისთვის იქნება მისაღები. 

„ჩვენ არასოდეს დავბრუნდებით საქართველოს შემადგენლობაში და გვსურს, რომ ჩვენმა პარტნიორებმა ეს გააცნობიერონ,“ - ციტირებს ალექსანდრე ანქვაბის სიტყვებს „აპსნიპრესი“.

Internet.ge