აფხაზური ციტრუსების ექსპორტი რუსეთში ორჯერ გაზრდება. 1-ელი აპრილიდან აფხაზეთის სოფლის მეურნეობის პროდუქცია ექსპორტის გადასახადისგან გათავისუფლდა. სოხუმი იმედოვნებს, რომეს სიახლე „პარტნიორებთან“ ტვირთბრუნვას მნიშვნელოვნად გაზრდის, აფხაზეთს კი დსთ-ის თავისუფალი ვაჭრობის ზონაში ჩართავს.

სეპარატისტული რეჟიმის გადაწყვეტილებით, გადასახადისგან გათავისუფლდა სოფლის მეურნეობის პროდუქციის ფართო სპექტრი, მათ შორის, ციტრუსები, ჩაი, ყვავილები და სპირტიანი სასმელები.

წელს რუსეთში სეპარატისტები 20-22 ტონა ციტრუსის გატანას აპირებენ. ადგილობრივი მედია იუწყება, რომ „აფხაზეთთან სავაჭრო ურთიერთობების განვითარებით შავიზღვისპირა ქვეყნებია დაინტერესებული, მათ შორის თურქეთი, რომელიც შავ ზღვაზე ტრაპზონი-სოხუმის რეგულარული საბორნე ხაზის შექმნის საკითხს ამუშავებს“.

internet.ge