რუსეთ-აფხაზეთის „საზღვარი“ ზაფხულის დასაწყისიდან დღემდე 600 ათასმა ადამიანმა გადაკვეთა, რაც ერთნახევარჯერ მეტია გასული წლის ანალგიურ პერიოდთან შედარებით - იუწყება ‘’იტარ-ტასი" რუსეთის „ფსბ“-ს სანაპირო დაცვის შავი ზღვა-აზოვის სასაზღვრო განყოფილების მონაცემებზე დაყრდნობით.

მესაზღვრეები ასევე აღნიშნავენ, რომ გაიზარდა მოქალაქეების ნაკადი, რომლებიც ყოველდღიურად კვეთენ „საზღვარს“. საპასპორტო კონტროლს ყოველდღიურად 28 ათასი ადამიანი გადის. საკურორტო სეზონზე კი ამ მაჩვენებლის 50%-ით გაზრდას ვარაუდობენ.

სასაზღვრო განყოფილებაში განაცხადეს, რომ განსაკუთრებითაა დატვირთული ადლერის საკონტროლო-გამშვები პუქტი და მიუთითებენ, რომ აფხაზეთში მოსახვედრად და პირიქით მიმართულებაზე, ალტერნატიული საზღვაო და სარკინიგზო მარშრუტებიც არსებობს.

internet.ge