ცხინვალის მარიონეტული
რეჟიმის ლიდერის დავალებით შქმნილია სპეციალური კომისია, რომელიც რეგიონში
საკომუნიკაციო ქსელებზე ჩატარებული სამშენებლო-სარემონტო სამუშაოების
ინსპექტირებას ახდენს. კომისიას ცხინვალის მერი ალან კოტაევი ხელმძღვანელობს.
ხარვეზების აღმოჩენის
შემთხვევაში კომისია მასალებს პირდაპირ გენპროკურატურაში გზავნის. შესაბამისად,
უკვე 7 კონტრაქტორი კომპანიის მიმართ აღძრულია სისხლის სამართლის საქმე.
როგორც ცნობილია,
ცხინვალის რეგიონში ერთ-ერთი სერიოზული პრობლემაა სამშენებლო კომპანიების საქმიანობა,
რადგან ამ სფეროსთვის გამოყოფილი სოლიდური თანხების მიუხედავად, სამშენებლო
სამუშაოები ძირითადად, უხარისხოდაა შესრულებული, ბევრ შემთხვევაში კი მშენებლობები
შუა გზაზეა მიტოვებული.
internet.ge
