ნურილლო აბდულოევი და სუნატულლო იბროხიმოვი აფხაზეთში მიმდინარე წლის დასაწყისიდან იძულებით იმყოფებოდნენ.

ისინი ოკუპირებულ ტერიტორიაზე იმისთვის გადავიდნენ, რომ რუსეთში მაქსიმუმ 90 დღით ყოფნის უფლება ჰქონდათ, აფხაზეთის ტერიტორია კი რუსეთში ყოფნის ვადის გასაგრძელებლად გამოიყენეს.

თუმცა ტაჯიკები უკან რუსმა მესაზღვრეებმა აღარ გაუშვეს.

ტაჯიკეთის საელჩო მოსკოვში იძულებული გახდა დახმარება აღმოეჩინა თავისი მოქალაქეებისთვის და მათი გამოყვანა აფხაზეთის ტერიტორიიდან გამონაკლისის სახით დაუშვეს.

ტაჯიკეთის საელჩომ მოსკოვში თავის დროზე გააფრთხილა თანამემამულეები, რომ აღნიშნული მიზნით ნუ გამოიყენებენ აფხაზეთისა და ცხინვალის რეგიონის ტერიტორიებს, რომელთა დამოუკიდებლობასაც დუშანბე არ აღიარებს.

internet.ge