პოლიტოლოგი სოსო ცინცაძე ამბობს, რომ რუსეთის მიერ  საქართველოს ტერიტორიაზე შემოჭრის ალბათობა არ არსებობს. როგორც ცინცაძემ "ინტერნეტ.ჯი"-სთან საქართველო-რუსეთის საზღვართან მიმდინარე დევნის ოპერაციის კომენტირებისას განაცხადა, რუსეთი აღნიშნული მოვლენებით მხოლოდ ნერვების მოშლის თამაშს თამოშაობს.

„შეუძლებელია დაღესტნის მონაკვეთთან, საქართველოს ტერიტორიაზე, აღმოჩენილი შეიარაღებული ჯგუფი რუსეთმა საქართველოს ტერიტორიაზე შემოჭრის საბაბად გამოიყენოს. რადგან ეს თითიდან გამოწოვილი მიზეზი იქნება. მე არჩევნები უფრო მაღელვებს, ხომ არ არის ეს  წინასაარჩევნო მოვლენების წინ გაფრთხილება უცხო ქვეყნიდან?“,- განაცხადა სოსო ცინცაძემ.

შსს-ს ინფორმაციით, საქართველო-რუსეთის საზღვართან, დაღესტნის მონაკვეთთან, საქართველოს ტერიტორიაზე, აღმოჩენილია შეიარაღებული ჯგუფი.

შინაგან საქმეთა სამინისტროს მიერ ხორციელდება აღნიშნული ჯგუფის დევნის ოპერაცია.

Internet.ge