„სამართლიანი არჩევნებისა და დემოკრატიის საერთაშორისო საზოგადოება“ სამართალდამცავ ორგანოებს მოუწოდებს დაუყოვნებლივ გამოიძიონ დუშეთში „ერთიანი ნაციონალური მოძრაობის“ მაჟორიტარობის კანდიდატის, ზურაბ ოტიაშვილის მიერ ამომრჩევლის მოსყიდვის ფაქტი.

27 აგვისტოს „მცხეთა-მთიანეთის საინფორმაციო ცენტრის“ მიერ გავრცელებული ინფორმაციის თანახმად, დუშეთის საარჩევნო ოლქში „ერთიანი ნაციონალური მოძრაობის“ მაჟორიტარი დეპუტატობის კანდიდატმა, ზურაბ ოტიაშვილმა ჩარგალში, „ვაჟაობაზე“ ერთ-ერთ ამომრჩეველს 500 ლარი გადასცა.

„გამომდინარე იქიდან, რომ მსგავსი ქმედება წარმოადგენს საქართველოს სისხლის სამართლის კოდექსის 1641 მუხლით გათვალისწინებულ დანაშაულს - „ამომრჩევლის მოსყიდვას“, მოვუწოდებთ სამართალდამცავ ორგანოებს, დაუყოვნებლივ დაიწყონ გამოძიება აღნიშნულ ფაქტში დანაშაულის ნიშნების შესწავლის მიზნით“,- ნათქვამია „სამართლიანი არჩევნების“ მიერ გავრცლებულ განცხადებაში.

Internet.ge