საქართველოს უშიშროების მდივანი გიგა ბოკერია პოლიტიკურ ოპონენტებს მოუწოდებს, რომ უპასუხისმგებლო განცხადებები რთულ  რეგიონეთან მიმართებაში არ გააკეთონ.

გიგა ბოკერიას თქმით, ლოპოტასთან მიმდინარე სპეცოპერაციას საქართველოში მოახლოებულ არჩევნებთან კავშირი არ აქვს.

„ეს თემა საერთოდარ უნდა განიხილებოდეს, არანაირი საფრთხე არ ემუქრება ქვეყნის სუვერენიტეტს, რუსეთ–საქართველოს საზღვარზე  მომხდარი ფაქტი სერიოზულ რეაგირებას ითხოვს, თუმცა ეს არ ნიშნავს, რომ ქვეყანა ნორმალურ რიტმში ვერ ცხოვრობს. საქართველოში არჩევნები აუცილებლად ჩატარდება“ ,– განაცხადა "რუსთავი 2"-ის ეთერში ბოკერიამ.

მისი თქმით, არჩევნების წინ რიგი პოლიტიკოსები და ე.წ ექსპერტები საღი აზრისგან დაშორებული მოსაზრებების გაღვივებას ცდილობენ.

„ჯერ უნდა გაიგონ ამ ადამიანებმა რეალურად რა ხდება რეგიონში და მერე გააკეთონ ხმამაღალი განცხადებები, დღეს გამოთქმული მოსაზრებები  საბოლოო ჯამში ქვეყნის ინტერესებს ეწინააღმდეგებოდა. კიდევ ერთხელ ვიმეორებთ, რომ არჩევნები მშვიდად და სამართლიანად ჩაივლის,  ყველაფერს გავაკეთებთ ქვეყნისა და მოსახლეობის ინტერესების დასაცავად“,– დასძინა გიგა ბოკერიამ.

Internet.ge