კოალიცია „ქართული ოცნების“ ლიდერი ბიძინა ივანიშვილი, „ნაციონალურ მოძრაობას“ მათი იდეების მითვისებაში ადანაშაულებს.

როგორც დღეს გამართულ პრესკონფერენციაზე ივანიშვილმა განაცხადა, ხმების დასაცავად თუ საჭირო გახდება, არც ქუჩის აქციებია გამორიცხული.

„ჩვენ ვაპირებდით, არჩევნების შემდგომ თუ მოხდებოდა გაყალბება, სწორედ ისეთი ტიპის აქციების გამართვას, როგორსაც „ნაციონალური მოძრაობა“ გეგმავს. დავაყენებდით ხალხს ფეხზე და პირდაპირ დავათვლევინებდით ხმებს“,- განაცხადა ივანიშვილმა.

კოალიციის ლიდერის თქმით, „ნაციონალური მოძრაობის“ მიერ გამართული აქციები, მათი აქციების საპირწონე ვერ იქნება.

internet.ge