ამერიკის ეროვნულ დემოკრატიული ინსტიტუტის მიერ წარმოდგენილ კვლევაში რიგ საკითხებთან მიმართებაში, რესპონდენტები მმართველი გუნდისა და „ქართული ოცნების“ მხარდამჭერებად არიან დაყოფილნი.

კითხვას - „იციან თუ არა ვანო მერაბიშვილის მიერ წარდგენილი მთავრობის 4-წლიანი გეგმის შესახებ? – „ნაციონალური მოძრაობის“ მხარდამჭერთა 62% დადებითად პასუხობს, 33% კი, - უარყოფითად.

ამასთან, კითხვას - „ეთანხმებით თუ არა ვანო მერაბიშვილის პრემიერ-მინისტრად დანიშვნის გადაწყვეტილებას“? – „ნაციონალური მოძრაობის“ მხარდამჭერთა 87% დადებითად პასუხობს, ხოლო „ქართული ოცნების“ მხარდამჭერთა 32% მერაბიშვილის გაპრემიერებას მიესალმება.

ასევე, კითხვას  - „ბოლო სამი თვის განმავლობაში იღებდით თუ არა საკმარის ინფორმაციას მედიასაშუალებებით იმ პარტიის შესახებ, რომელსაც მხარს უჭერთ“?
„ნაციონალური მოძრაობის“ მხარდამჭერთა 83% დადებით პასუხს სცემს, ხოლო „ქართული ოცნების“ მხარდამჭერთა -  57%.

გარდა ამისა არის კიდევ ერთი კითხვა - „27 მაისს თავის გამოსვლაში ბიძინა ივანიშვილმა თქვა: „ჩემი პირველი განცხადებიდან 7 თვე გავიდა და გარწმუნებთ, რომ ყველაფერი ისე ვითარდება, როგორც ვგეგმავდი და გააზრებული მქონდა“. იცით თუ არა ივანიშვილის გეგმის შესახებ?

„ნაციონალური მოძრაობის“ მხარდამჭერთა 14%  პროცენტმა ამ გეგმის შესახებ იცის, ხოლო „ქართული ოცნების“ მხარდამჭერთა 66 პროცენტმა.  

internet.ge