ზუგდიდის ცენტრში შეკრებილ „ნაციონალური მოძრაობის“ მხარდამჭერებს საქართველოს პირველმა ლედიმ სანდრა რულოვსმა მეგრულად მიმათა და ამომრჩევლებს მმართველი გუნდის პარტიულ ყრილობაზე დასწრებისთვის მადლობა გადაუხადა.

გამოსვლისას სანდრა რულოვსმა ყურადღება ქვეყნის განვითარებაზე გაამახვილა.

„მეგრელები ხართ ძალიან ჭკვიანი, ნიჭიერები და მშრომელი ხალხი. ამ წლების განმავლობაში, თქვენგან ბევრი წერილი მიმიღია და გამხარებია, განსაკუთრებით, მეგრულ ენაზე წიგნები, რაც ყველაზე მეტად გამიხარდა. გულთან ახლოს მიმაქვს თქვენი პრობლემები. თქვენი მომღიმარი სახეების უკან როგორი გაჭივრებაა ვიცი, ამიტომ, ვმუშაობთ დღე-ღამე მიშას გუნდთან ერთად. ჯერ არ არის იდეალური ჩვენი სისტემა, მაგრამ დარწმუნებული ვარ, რომ თქვენ ხედავთ როგორი დიდი ნაბიჯები არის წინ გადადგმული, როგორი მონდომებული ხალხია ამ გუნდში და როგორი საჭიროა ასეთი ხალხი. ამ ხალხს მომავლის ერთიანი ხედვა აქვთ და არა წარსულის,  რადგან წარსული ვიცით რა იყო. ჩემი მშობლები ნერვიულობდნენ, როცა 15 წლის წინ აქეთ მიშვებდნენ ჩაბნელებულ ქვეყანაში, სადაც იყო კრიმინალი და კორუფცია, დღეს კი   ამაყები არიან ეს ქვეყანა როგორ დაესმგავსა ევროპას“, - განაცხადა სანდრა რულოვსმა და აღნიშნა, რომ მისი ძმა, რომელიც პარიზში ცხოვრობს ყოველთვის საქართველოს სტუმრობს და არა სხვა ქვეყანას.

Internet.ge